Macluumaad hordhaca ah ayaa laga helayaa Dhalinyarro boqolaal ah oo xiiseynaayay inay shaqo ka helaan Hey’adda Nabadsugidda (NISA), ayaa bannaanbax cabasho ah ka dhigay magaalada Muqdisho….
Xogtaan ayaa Diinah.com news u xaqiijisay in Dhalinyaradan ayaa ku eedeyay Agaasimaha Hey’adda NISA inuu eex qabiil iyo musuq kula kacay, isagoo muddo dheer ballamo u dhigay, kadibna xalay loo sheegay inay xarunta NISA tagaan 10-saac (4:00 habeenimo- saqda dhexe kadib), iyagoo boqolaal ah markii ay tageenna laga xushay 20 qof kaliya, kuwaasoo Qaab qabiil Loogu xulay intii kalena tacadiyo loo geystay oo goobta laga soo eryay.
Dhalinyaradaan warbaahinta la hadlayey ayay sheegeen inay muddo dheer la meermeerinayey, horena sawirro looga qaaday, xilli kastaba ay sugayaan in lasoo waco, balse ay dhacday in si xun loola dhaqmay, qaarkood Gaari Cabdi Bille ah lagu eryday oo dhaawacyo soo gaareen, intii kalena la kala eryay.
Ma jirto wax War ah oo kasoo baxay Taliska NISA oo ku saabsan dhalinyarradan cabashada ka ah qaabka shaqo qorita Hay’adda.
