Wararka hordhaca ah ee naga soo gaaraya degaanka Wisil ee Konfurta Gobolka Mudug ayaa sheegaya in dagaalo ay ka qarxeen kaasoo u dhaxeeya Ciidamada Dowlad goboleedka Galmudug iyo maleeshiyaadka Kooxda argagixisada Shababka..
Dagaalkaan ayaa qarxay kadib markii weerar kedis ah ay saakay aroortii hore ku qaadeen Koox ka tirsan Maleeshiyaadka Shababka degaanka Wisil oo u dhaxeysa Degmooyinka Hobyo iyo Gaalkacyo, iyadoo ay Wararku sheegayaan in dagaalku uu si xowli ah u socdo.
Warar aan la xaqiijin ayaa sheegaya in 40-Qof ay ku geeriyoodeen dagaalada tiro kale ayaa ku dhaawacmay, inkastoo Dadka Rayidka ah ay bilaabeen iney isaga qaxaan Magaalada, waxaana la isku adeegsanayaa noocyada kala duwan Ee hubka fudud iyo midka culus, la soco wixii ku soo kordha.
