Wararka hordhaca ah ayaa sheegaya in Mas’uuliyiinta Gobolka Bari ee Puntland, ay digniin culus ka soo saareen roobab dabaylo wata, oo sida saadaashu sheegtay saacadaha soo socda ku wajahan xeebaha Gobolkaas…
Qoraal ka soo baxay maamulka Gobolka Bari, ayaa lagu sheegay in 48-saac ee soo socda roobab dabaylo wataa ku soo wajahan yihiin xeebaha Gobolka Bari, sida saadaashu sheegtay.
Maamulka ayaa Dadweynaha ugu baaqay in ay isaga baxaan dhulka godan iyo togagga ku dhow xeebaha, si looga baaqsado dhibaato dadka iyo duunyada ka soo gaarta roobabkaas dabaylaha wata.
Sidoo kale, saraakiisha Boliiska iyo Guddoomiyaaasha degmooyinka Gobolka Bari, ayaa amar lagu siiyay in aysan mudda 48-saac ah wax doonyo ah u fasixi karin gudaha badda, si looga taxaddaro khatarta dabaylaha.
