Share the post "Xoogaga Amaanka UK Oo Xabsiga Dhigay 45-Qof oo Is-hortaag ku Sameeyay Gaadiid ay Saarnaayeen Dad Magangelyo-doono ah.."
Faahfaahin dheeraad ah ayaa laga soo sheegayaa Howlgal ay Xoogaga Amaanka UK ay fuliyeen kuwaasoo ay qabteen xabsigana ugu taxaabeen in ka badan 45 Qof Khamiistii shalay, Dadkaan ayaa isku dayayey inay hor-istaagaan, in Dadka magangelyo doonka ah laga qaado goob ay deganaayeen…
Wararka ayaa sheegaya in Tobanaan Qof ayaa isu-soo baxyo ka sameeyey barxadda hore ee Hotel ku yaalla Konfurta London, iyagoo xilligaas isku dayaayay iney joojiyaan bas ay saarnaayeen Dad magangelyo doon ah, waxayna wararku sheegayaan inay dadka dibedbaxa samaynayey ay naqaska ka siidaayeen taayirada gaariga isla markaana ay isku hareereeyeen.
In xal loo helo dadka sida sharci-darrada ah ku imanaya Britian, ayaa ka mida qodobada ugu xasaasisan ee horyaalla Xafiiska Ra’iisal wasaare Rishi Sunak, waxaana kharash badani kaga baxaa, goobaha ay dejiyaan Dadka magangelyo doonka ah, inta ay sugayaan in kiiskooda meel la saarayo.
Dhawr Askari ayaa waxyeello soo gaartay, xilli ay isku dayayeen inay xakameeyaan dadka mudaharaadayey, Boliiska ayaa sheegay, in sababaha ay dadka u xireen inay ka mid tahay, inay xanibeen isu socodka gaadiidka, inay ka horyimaaddeen Boliiska ama ay waxyeello soo gaarsiiyeen.
