Warbixintii ugu dambeeyay ee ay shaaciso Qaramada Midoobay ayaa lagu sheegay in 6-Millions Muwaadiniin Soomaaliyeed ay u baahan yihiin gargaar bini’aadanimo oo deg deg ah ay ku jiraan 330-Caruur qarka u saaran macluul & nafaqa darro…
Ayaan darrse, Maamulka Fashilmay ee Farmaajo ayaa sida wararku sheegayaan inuu ku bixiyay u dabaal dega munaasabadda 12-ka Apriil ku qarash kor u dhaafaya lacag dhan 3-Millions US$ xili Gobolada & Degmooyinka dalka qaarkood ay ka jirto macluul baahsan biyo la’aan oo dad iyo duunyo saameysay.
Farmaajo Shantii sano ee u dambeysay ee uu Xafiiska Villa Somalia fadhiyay waxba kama qaban la dagaalanka, zgaajada, Biyo la’aanta, Abaarta & kooxaha argagixisada kuwaasoo sii kordhiyay weerarada iyo dilalka ay ku beegsanayaan Shacbiga Soomaaliyeed.
Nasiib darro taas badalkeedna wuxuu ciidamadii qaranka u adeegsaday inuu ku weeraro Madaxii hore ee Dalka, Siyaasiyiinta ka fikirka duwan iyo inuu ku burburiyo Maamul Goboleedyada dalka qaarkood, isagoo dhaqaale badan ku bixiyay kuwo macmil ah oo danhiisa u fuliya.
