Wararka hordhaca ah ee laga helaayo Magaalada Konfurta Gaalkacyo ayaa sheegaya in Guddiga Doorashada Galmudug uu xalay saqdii dhexe shaaciyay Odayaasha Dhaqanka iyo Xubnaha Bulshada Rayidka ee soo xulaya ergada soo dooraneysa 5 kursi…
Kuraastaan oo lagu dooran doono Magaalada Gaalkacyo ayaa waxay kala yihiin #HOP001, #HOP060, #HOP013, #HOP017 iyo #HOP101, Kuraastaan ayaa ka mid ahaa illaa 6 kursi oo guddigu shaaciyeen in doorashadooda lagu qaban doono Magaalada Gaalkacyo, oo ah deegaan doorashada 2aad ee Galmudug, ayna yaallaan 11 kursi.
Guddigu wuxuu u muuqdaa mid wax ka bedelay hannaankii doorashada ee kuraastaasi, oo qorshuhu ahaa in doorashadoodu la qabto 5-ta bishan, oo maanta ku beegan, Kursiga doorashadiisa laga dib dhigay kuraastan ayaa ah #HOP020, oo aan la ogayn goorta doorashadiisa la qaban doono.
Kursigan oo buuq xoog lihi uu hareeyay ayaa ah midkii laga hor istaagay inuu u tartamo Taliyihii hore ee Ciidanka Xoogga Dalka, General Daahir Aadan Cilmi (Indha-qarshe), lagana dhigay qoondo dumar.
