Iyadoo maanta ay ku began tahay maalintii ay u asteeyeen Guddiga lagu muransan yahay ee doorashada heer Federaal iney Madaxweynayaasha Dowlad Goboleedyada ay soo saaraan liiska Musharaxiinta u tartamaya Aqalka Sare, taasoo aan hirgelin…
Waxaa muuqata in maaweelada iyo dhawaaqyada Guddigaan ineysan Madaxda dowlad Goboleedyad dheg jalaq u siinin bilowgii hore markii Guddiga uu soo saaray jadwalka, baaqyadooduna ay noqdeen sidii Shirarkii Maamulka Fashilmay Ee Farmaajo uu ku hadaaqi jiray.
Madaxweynayaasha Dowlad Goboleedyada oo saddex ka mid ah waxay ka qeyb galayaan Shirka Madasha Aragti-Wadaagga ee Heritage ku qabaneyso Garowe, sida Madaxweynaha Puntland ee martida loo yahay, Madaxweynayaasha Galmudug iyo Jubbaland.
Sidoo kale labada Madaxweynayaasha kale ee dowlad goboleedyada ay ka cudur daarteeb shirka, Madaxweynaha Koofur Galbeed ayaa ku sugan dalka Turkiga, halka Madaxweynaha Hirshabelle uu ku sugan yahay magaalada Jowhar, mana ka muuqataba labadooda saan saan ay ku soo gudbinayaan Liiska Musharaxiinta u tartamaya Aqalka Sare.
