Faahfaahin dheeraad ah ayaa laga soo sheegayaa Maleeshiyaad hubeysan oo burburiyay xarun isgaarsiineed oo laheyd Shirkadda Safaricom kuna taalay Duleedka Magaalada Mandheera ee Waqooyi-Bari Kenya, sida laga soo xigtay ilo wareedyo…
Waxaana la sheegay in Maleeshiyaad aad u hubeysan oo tiradoodu lagu 50- Dabley ayaa weerar ku qaaday xarun isgaarsiineed oo ku taal degaanka Sarman oo 20-km u jirta Magaalada Mandheera dhanka Xadka Kenya iyo Somalia, isla markaasna ay burburiyeen Xarun anteeno oo ay laheyd Shirkadda talefoonada Ee Safaricom, kuwaasoo kadib u baxsaday Dhanka Somalia.
Weerarkaan ayaa la sheegay inuu Dhacay habeen hore, wuxuuna noqonayaa kii 12-aad tan iyo biliwgii Sanadkaan, lagana fuliyo duleedka Degaanada Mandheera Kenya, iyadoo Howlgaladaan kooxaha hubeysan ay ku naf waayeen 3-qof oo Soomaali ah halka 3-kale la afduubtay, Dowlada Kenya Ayaa Maamulka Farmaajo ku eedeysay inuu Jabhad hubeysan ka dhisay Magaalada B/Xaawo.
