Hey’adda Henley and Partners ayaa soo saaray Qiimeynta sanadlaha ah ee lasoo saaro bilawga Janaayo waxeyna ku soo bandhigtay dalalka ugu tayada wanaagsan Baasaboorka caalamka, kuwa meelaha dhexe jooga & kuwa ugu liita, waxaana la eegayaa isticmaalka & ku safarka dadka…
Dalal dhowr ah ayaa hoos uga dhacay booska ay soo galeen sanadkii hore, waxaana sababta ugu weyn lagu sheegay Xayiraadda Covid-19 oo meesha ka saartay dalxiisayaasha tegi jiray, safarrada aan dhammaadka lahayn & Diyaaradahooda oo qaadi jiray rakaab kala duwan.
Liiska Tobanka waddan ugu wanaagsan dhanka Baasaboorka sanadkaan ayaa kala ah: 1. Japan, 2. Singapore, 3. waxaa Booska saddexaad kuwa jira South Korea & Germany, 4. Kaalintaan waxaa soo galay Italy, Finland, Spain & Luxembourg, 5. Waxaa qiimeynta wada tiigsaday Denmark & Austria.
Dalalka Booska ugu hooseeya soo galay ayaa u badan waddamada aan xasilooneen & Waqooyiga Kuuriya oo ah dal ay adag tahay in loo safro, maadaama Xukuumadda Pyongyang aysan jecleen socodka badan, sabab la xiriirta in ay ka feejigan tahay basaasiin u gudubta.
Kala sareynta dalalkaan ayaa kala ah: North Korea, Libya & Nepal oo hal boos kasoo wada galay qiimeynta, Palestinian, waxaa sidoo kale isku qaanad ku jira Somalia & Yemen, Pakistan, Syria, Iraq iyo Afghanistan.
