Beesha caalamka ayaa walaac ka muujiyay xaaladihii u dambeeyay ee ka soo if baxay geeddi socodka dhismaha Galmudug intii lagu guda jiray marxaladii u dambeysay ee dadaalkii dheeraa ee loo soo galay in la dhiso maamul loo mideysan yahay oo xasillooni leh, iyadoo loo marayo dib u heshiisiin iyo doorasho maamul.
“Waxaan ugu baaqeynaa dhamaan jilayaasha in khilaafaadkooda ku xalliyaan wadahadal, hadii loo baahdo in waqti kale la qaato, iyo in ay ku hagaan hadafka midnimada iyo xasilloonida dowlad goboleedka Galmudug ayna ka fogaadaan in la bilaabo howlo kale”
“Waxaan ku boorinaynaa hoggaanka Baarlamaabka dowlad gobolleedka Galmudug, murashaxiinta madaxweynaha, Ahlu-sunna Wal-Jamaaca, dhinacyada ku uruursan Gaalkacyo iyo wakiilada ka socda Dowladda Federaalka inay marqaati ka noqdaan geedi-socod loo dhan yahay, isla markaana hufan.
