Safaaradaha Somalia ee ka furan Dalalka caalamka qaarkood ayaa xiligaan wajahaaya Dhaqaale yari baahsan, iyagoo la sheegay iney qarka u saaran yihiin iney xirmaan, kadib markii laga jartay qarashaadkii socodsiinta adeega safaaradaha oo bil kasta loo diri jiray….
Qoraal cabasho ah oo ay saxiixeen Danjirayaasha Safaaradaha ayeey u direen Wasiirka Arrimaha Dibadda iyo Iskaashiga Caalamiga, iyagoo ka dalbaday in la siiyo qarashaadka adeega ee u baahan yihiin safaaradaha ayaan looga soo jawaabin.
Danjirayaasha iyo Qunsuliyadaha Somalia u fadhiya in ka badan 20-Dal oo warqadan hoos ku xusan u diray Wasiirka Arimaha Dibadda ayey ku sheegeen in shaqooyinka safaaradaha socon la yihiin, waxeyna ku sababeeyeen Dhaqaale la’aan soo food saartay shaqaalaha safaaradaha mudo dhowr bilood ah.
Safaaradahan ayaa sidoo kale sheegay in qarashkii adeegga ama socodsiinta howlaha Xafiisyada sanadkii hore 2019-kii qaarkood ka maqan yihiin ayna hada ugu darsantay sanadkan oo bilooyin badan ka maqan yihiin.
