Waxaa Magaalada Muqdishu lagu dilay Sarkaal ka tirsanaa Xoogaga Ilaalada Degaanka Ee Gobolka Benadir, waxaana la sheegay in Dabley ka tirsan Kooxda argagixisada Shababka ay sheegteen iney ka dambeeyeen Falkaasi….
Wararka hordhaca ah ayaa sheegaya in Falka dilka uu shalay galabtii uu ka dhacay gudaha Suuqa Bakaaraha Ee Magaalada Muqdishu, waxaana lagu dilay Marxuum Cabdi Macoow Kulmiye, iyadoo goobta ay ka baxsadeen Dableydii dilka geystay.
Kooxda Shababka ayaa sii wada ololahooda dilalka qorsheysan Ee ay ka fuliyaan Magaalada iyo guud ahaan Gobolada Dhexe iyo Konfurta Somalia, iyagoo sidoo kale kordhiyay miinooyinka la hago oo la la beegsado Dadka Rayidka ah iyo Gaadiidka.
656300cookie-checkShababka Oo Sheegtay Dil Ka Dhacay Muqdishu
