Shacbiga Magaalada Mogadishu Oo Ka Mira Dhaliyay Rabitaankooda Dowladnimo

Shacbiga Magaalada Mogadishu micno-weyn ugu ma fadhido inuu Horjoogaha (Farmaajo) hadlo Caawa, Inuu Isdhiibo (Tanaasulo) ama inuu beenta sii wato, waxaase Alle mahadiis ah in la hor-istaagay rabitaankiisa, inkastoo uu Shacbi rayid ah uu qixiyay xilli Ramadan, Guusha la gaaray ayaa ah in la badbaadiyay Dastuurka iyo Dowladnimada Dalka…

Isla xisaabtam waa dambeeyaa, waxaase caawa dad u liita Shaqaalaha raqiiska ah CBB), oo muddo 4-sano ah riyo maalmeed ku jiray, midna waa in Maanka la geliyaa Shacbiga Magaalada Mogadishu ma qaataan Caga-jugleyn, boolo-xoofto iyo Maleeshiyaad Beeleed oo lagu indhasarcaadiyo, iyagoo u dulqaateen 4-sano, waxeyna ilaalinaayeen Qiyaamka Dowladnimo, waxeyse yaqiinsadeen markii 2-sano oo muddo kordhin ah la isku dayay in xoog lagu meel marsado.

Ugu dambeyntii Waxaa haray dhowr qodob oo muhiim ah in la meel mariyo:-

-In Maxkamad lasoo taago oo lagula xisaabtamo Dambiyadii iyo dastuur jebintii dhacday.

-In uusan Musharaxiinta ka mid noqon Taageerayaashiisa kuwa Xildhibaanada iyo Wasiirada ah in laga mamnuuco Soo xulista.

-In uusan helin maamuus Madaxweyne

Qodobadaas waa in la xaqiijiyaa oo laga midoobaa siday uhirgali lahaayeen sidii looga hor tagay mudo kororsigii xaaraanta ahaa, Dowladnimada Somaliya ha guulaysato.

Inta u istaagtay ka hortagga Maamulka Fashilmay Ee Farmaajo, waxaan leenahay ku naalooda guusha maanta iyo in la dhiso nidaam adag oo sal balaaran si uusan Kalis talis dambe inuu talada maroorsan.