Faahfaahin dheeraad ah ayaa laga soo sheegayaa Duqeyn dhinaca cirka ah diyaaradaha Drones-ka Mareykanka ay gelinkii dambe ee Arbacadii ka dhacay fariisin ay maleeshiyada Kooxda Shabaab ku leeyihiin Koonfurta Somalia…..
Wararka hordhaca ah ayaa sheegay in Duqayntani ay ka dhacday nawaaxiga Degaanka Buulo Falaay, oo ku yaala xuduudda kala qaybisa Gobolada Baay iyo Shabellaha Hoose, Taliska Ciidamada Mareykanka ee Qaaradda Afrika (AFRICOM) ayaa xalay sheegay in duqaynta lagu burburiyay dhismahaasi, sidoo kalena lagu dilay mid ka mida maleeshiyaadka Kooxda argagixisada Shababka.
Khamiistii hore duqayn ka dhacday deegaanka Saaxa-weyne ee Gobolka Baay waxaa lagu dilay Horjoogayaal ka tirsanaa Kooxda argagixisada Shabaabka, sida uu sheegay Taliska AFRICOM, Kooxda Shababka ayaa Shabaabka ayaa dagaal kula jira Dowladda Federaalka, Dowlad Goboleedyada iyo Ciidanka Nabad Ilaalinta ee Midowga Afrika, oo joogitaankooda dalka ay si weyn uga soo horjeedaan.
