Buuq & Fowdo ayaa hareersay Kursiga 2-aad Ee Aqalka Sare oo tartanka Doorashadiisa xalay ka dhacay Magaalada Jowhar, kadib markii la soo gabagabeeyay wareegii 1-aad, iyadoo la sheegay in Tiro Xildhibaano ah ay bilaabeen buuq iyo Fowdo, kadibna hawada laga Saaray Muuqaaladii tooska ahaa…
Kursigaan oo ay ku tartamaayeen 5-Musharax oo ka soo jeeda Beesha Xawaadle, markii ay soo idlaatay Wareega hore, ayaa la sheegay in Tiro Xildhibaano ah ay bilaabeen Buuq iyo Fowdo, iyagoo doonaya iney hor-istaagaan Doorashada kadib markii ay saluugeen sida ay Doorashada u dhacday, talaabadaan ayaa horseeday in la go’aamiyo in la hakiyo Doorashada.
Tirada ay Kala Heleen Musharixiinta:-
-Cabdulqaadir Xanafi Sh.Bashiir 35-cod
-Cabdalla Cabsi Xuseen 29-cod
—Cali Shabaab Ibraahim 28-cod
-Caanaha Xuseen Abuukar 2-cod
Buuq aan Ayaa lagu Eedeeyay Taageerayaasha Madaxweyne kuxigeenka Hir-Shabelle, iyadoo loogu yeeray Xoogaga Amaanka si hoolka looga saaro, waxaana la sheegay in qaar ka mid ah Xildhibaanada ay damiyeen Nalkii hoolka, talaabadaan oo horseeday in xaaladu cuslaato.
