Guudlaawe Oo Ku Gacan seyray Qorshe Boob Kuraas Uu Fahad Diyaarsaday

Macluumaad dheeraad ah ayaa laga gelayaa Safar ay xubno wakiil ka ahaa Eedeysane Fahad Yaasiin ay maalin ka hor ku tageen Jowhar ayaa guuldaro ku soo dhamaaday, kaddib markii uu ku gacan seyray Mr.Guudlaawe qorshihii ay u socdeen oo ahaa kuraas ay Musharixiin u rabeen..

Wararka ayaa sheegay in Fahad uu doonaayay in loo soo saaro lana soo hormariyo shan kursi oo degaan doorashadooda tahay Magaalada Beledweyne, kaasoo uu ku jiro kursiga uu ku fadhiyo Xildhibaan Faarax C/qaadir ee la doonayo in loo boobo Eedeysane Fahad Yaasiin, si uu xasaanad u helo iyo inuu diyaariyo doorashada Guddoomiye Kuxigeenka 1aad oo uu damac ugu jiro.

Xubnahan oo labo ahaa ayaa kala ahaa Wasiiru dowlaha Gaadiidka C/raxmaan Dheere iyo xubin kale oo lagu magacaabo Anas oo ah gacan yaraha qaaska ah ee Fahad Yaasiin, Ilo ku dhow dhow Xafiiska Madaxweynaha Hirshabelle ayaa sheegaya inay u cuntami weyday in Madaxweynaha oo aan tagin Beledweyn iyo in aanay soo dhammaan doorashada kuraasta taal Jowhar in kuraas kale oo hormaris ah doorashadooda laga qabto Beledweyne.

Dhinaca kale xubno ka tirsan Kooxda Ololaha Madaxweynihii hore Sheekh Shariif ayaa maanta gaaray Jowhar, kuwaasoo socdaalka qorshahooda yahay in Madaxweynaha Hirshabelle kala hadlaan kuraas dhowr ah oo ay rajo ka qabaan saaxibadood ku soo baxaan.