Wararka naga soo gaaraya Gobolka Mudug ayaa sheegaya in Saraakiisha Wasaaradda caafimaadka ee dowlad-gobolleedka Soomaaliyeed ee Galmudug ay diiwaangeliyeen ku dhowaad 400 oo xaaladood oo Shuban Biyood Ba'an ah oo ka jira Gaalkacyo tan iyo 8-dii Maajo…. Bukaannada ugu badan ee la seexiyay waa carruur, Sababta dillaacay ma cadda, inkastoo Saraakiisha Wasaarada ay baaritaan ka bilowday tuulooyinka ugu daran. Raadiyo Ergo ayaa wareysatay isku-duwaha wasaaradda ee Gaalkacyo, Cabdikariin Abshir Ciise, si ay wax badan uga ogaato. C / kariin Abshir Ciise: Kiisaskii ugu horreeyay ee cudurkan waxaa la diiwaan-galiyay horraantii bishii May, illaa iyo haddana wuu sii kordhayay, iyadoo kooxda ugu nugul ay tahay carruurta yaryar ee ka yar shan sano jir. Bukaannada uu cudurkan ku dhacay waxaa lagu daweynayaa qeyb ka go'doon ah oo ku taal isbitaalka guud ee Gaalkacayo si loo yareeyo faafitaanka bukaanada kale ee isbitaalka ku jira. Guud ahaan, isbitaalku sifiican ayuu u qalabeysan yahay si loogu daaweeyo bukaannada, kuwaas oo saacadba saacadda ka dambeysa sii kordhaya. Shaqaalaha isbitaalka ayaa si wanaagsan loogu tababaray la tacaalidda cudurada faafa sida tan. Waxaa jira bukaanno horey loo daaweeyay oo laga saaray.
1225000cookie-checkMaamulka Galmudug Oo La Tacaalaya Cudurka Suuban-biyoodka
