Maxaa ka cusboonaadey Khilaafka Somalia & Ethiopia Kadib Dagaaladii Kooxda Shababka

Maamulka cusub ee Somalia waxaa laga yaabaa inuu wajaho laba caqabadood oo khatar ku ah barnaamijyadiisa Siyaasadeed arrimaha Gudaha & Dibadda ee Dalka, marka la eego xiriirka caadiga ah ee Dawladaha deriska qaarkood, kuwaasoo carqaladeyn kara, iyadoo farta lagu goday sababo xiriira ku tiirsanaanta Ciidamada  ilaalinta ciidamada shisheeye ee nabad ilaalinta ah…

Sida uu ku qeexay halheyska Barnaamij Siyaasadeedkii xiligii Doorashada Madaxweynaha Somalia “Somalia oo Heshiis ah Dunidana la heshiis ah, Waxaa durbadiiba ku yimid caqabado ay garwadeen ka tahay Ethiopia, iyagoo aad uga carooday la-tashi la’aanta codsiga ku biiritaanka Ururka EAC & Booqashada Egypt ee Madaxweynaha Somalia, talaabooyinkaan ayaa abuuray tuhun sii kala fogeeyay wada-shaqeynta Maamulka Dowladda 🇸🇴 iyo midka 🇪🇹.

Dagaalka ay Kooxda argagixisada Shababka ku qaadeen laba Degaan Oo Ka tirsan Kilinka Soomaalida Ethiopia ayaa sii huriyay xiisada u dhaxeysa labada Dal, Inkastoo aan xisaabtaan marnaba la waafajin karin xurguftaan, hadana waxaan meesha ka marneyn ukumaha sumeysan ee Maamulkii Farmaajo iyo Sirdoonkiisiba oo ka warqabay tirade badan Ee Maleeshiyaadka ka soo jeeda Oromada iyo Soomaalida Ethiopia oo lagu tababay gudaha Konfurta Somalia.

Hanjabaadaha ka soo yeeraya Hogaanka  Kilinka Soomaalida Ethiopia iney 3-Gobol Oo ka tirsan Konfurta iyo Bartamaha Somalia ay ka dhisi doonaan Aagaga keyd u ah (Buffer Zones), ayaa talaabadaan ka dhigtay mid meel ka dhac ku noqon doonta Karaanada, Midnimada & Wadajirka Dalka, waxeyna sii xoojineysa dib u gurashada oo markii hore loo arkaayey mid Ethiopia ku diidan tahay isbadalka ka curtay Somalia, taasoo aan ka turjumeynin in xiriir derisnimo.

Balse Dowladda & Shacbiga Soomaaliyeed Waa iney ka feejignaadaan dhagaraha ay wada dejiyeen Maamulka Oromada Addis abeba iyo Haraadiga Maamulkii hore (Farmaajo, Fahd & Kulane-jiis), kuwaasoo doonaya in Gobolada Gedo, Bakool iyo Hiiraan degaanada Xadka ku yaala ugu yaraan ay ka sii dhisnaadaan Maamulada hadda dhisan, hadii la waayana lagu daro Kilinka Soomaalida Ethiopia, in Biyaha Wabiyada la xakameeyo iyo in la hubeeyo Qabaa’ilada Degaanadaasi si ay ugu kacaan Dowladda Federaalka.