Warar hordhaca ah ayaa laga helayaa Qaraxyo xalay ka dhacay Magaalada Boosaaso ee Gobolka Bari (Puntland), qaraxyadaan ayaa la sheegay in lagu weeraray laba goobood Oo ay aheyd Shirkaddo ay leeyihiin, waxaana ka soo baxaaya khasaare ka dhashay…
Wararka ayaa sheegay in qaraxa hore uu ahaa Bam-gacmeed laguna weeraray Dhismaha Shirkadda Ganacsiga ee Muwafaq Oo Ku taal bartamaha Magaalada Boosaaso, lamana sheegin wax khasaare ah oo ka dhashay qaraxaasi, Saraakiisha ayaa sidoo kale tilmaamay in aysan weli jirin cid loo qabtay Qaraxa balse ay hayaan raadad la xiriira islamarkaana baaritaan ku samaynayaan.
Sidoo kale hal ruux ayaa ku dhaawacmay bam-gacmeed fiidnimadii xalay lagu tuuray iridda laga galo xarunta shirkadda Al-najax ee magaalada Boosaaso, Weli ma jirto cid sheegatay mas’uuliyadda labadaas qarax inkastoo kooxaha Al-shabaab iyo Daacish horay u sheegan jireen Qaraxyada ka dhaca Boosaaso.
