UNDP oo Kulan lagu Falanqeynaayo Dhibaatada Balastikada & Caadaha u Qabtay Dhalinyarada Soomaaliyeed

Warbixin Caalami ah ayaa daaha ka rogeysa in halista Plastikada iyo Caagadaha ay dhibaatooyin ba’an ku hayaan Dadka & Duuniyada, waxaa Sanadkiiba uu Aduunku soo saaro 400-millions oo tan Baco & Caagag ah, ku darsoo maalin kasta Gaadiidka Badda iyo kuwa Dhulka ayaa Badaha, Wabiyada iyo Harooyinka ku shuba, iyadoo 3/2 dib loo warshadeeyo…

Somalia, arrinta Halista balaastikada ah ayaa si gaar ah u dhib badan ku ah Xoolaha iyo xaalufka dhirta, iyadoo ay ugu wacan tahay magaalaynta degdega ah iyo wasakhowga xeebaha, kuwaasoo khatar gelinaya Degaanka iyo Caafimaadka Dadka, Intaa waxaa dheer, wax soo saarka caaggu wuxuu uga sii daraa dhibaatada cimilada maadaama ay si weyn ugu tiirsan tahay shidaalka.

Daraasado badan oo la sameeyay ayaa lagu aqoonsaday habab wax ku ool ah oo lagu dhimi karo halista Caaggadaha ah %80, oo ay ku jiraan dib-u-isticmaalka, dib-u-warshadaynta, iyo sahaminta beddelka caagadaha, Ku dhiiri gelinta siyaasad-dejiyeyaasha adduunka oo dhan inay qaataan hab dhammaystiran, Barnaamijka Horumarinta ee Qaramada Midoobay (UNDP) wuxuu ku baaqayaa hirgelinta xeerarka iyo siyaasadaha daboolaya dhammaan wareegga nolosha ee caagagga.

Si loo taageero howlgalkan, UNDP waxa ay la kaashaneysaa Dhallinyarada Soomaaliyeed, Mas’uuliyiinta Dowladda iyo kuwa Caalamiga ah si ay u abaabulaan olole nadaafadeed, Munaasabadaan ayaa lagu soo bandhigi doonaa uruurinta Balastikada iyo Caagadaha nadaafad hal maalin ah, iyadoo dhamaan ka qeyb galayaasha ay si firfircoon uga qeyb qaadan doonaan nadaafadda xeebta Muqdisho.