Xoolo-Dhaqato Somali/Kenyan Oo la Weeraray Kadib Olole Kicin uu Bilaabay Xildhibaan Kenyan ah..

Macluumaad dheeraad ayaa laga helayaa Xiisado isir naceyb ah oo dhan ka ah Xoolo dhaqatada Soomaalida/Kenya, kadib olole kicin ah uu bilaabay Xildhibaan degaanka ka soo jeeda kaasoo uu waday muddo 5-maalmood oo xiriir ah…

Wararka ayaa sheegay in Xildhibaan Nimrod Mbai oo ka tirsan Baarlamaanka Kenya lagana soo doortay Bariga degaanka Kitui County uu bilaabay olole kicin ah, muddo 5-maalmood ah, dhana ka ah Xoolo dhaqatada Soomaalida kuwaasoo daaq u xoolaha Geela u geeyay nawaaxiga Degaanka, isagoo si cad u sheegay iney howshiisu tahay “ in si walba loo dabar gooyo Geela”.

Wuxuuna ku eedeeyay Xoolo-dhaqatada Soomaalida iney Geelooda daajiyaan beeraha degaanka, isagoo qirtay in Ololihiisa ay ka dhasheen dilkii ay Dadka degaanka u geysteen Xoolo dhaqatada iyo Geelooda, Xildhibaanka ayaa faanay in kicintiisa ay ka dhasheen khasaare kor u dhaafaya 56-qof lagu dilay inkastoo Madaxa Boliiska ee bariga degaanka Kitui uusan ka war qabin dhimashada ka dhacday degaanka.

One day arrogance and impunity will die . 4 days countdown to our ultimatum. Somebody remind @HonAdenDuale to move his Camels out of our land .It will be business unusual on the 5th day. Enough is enough. @OleItumbi @KTNNewsKE @citizentvkenya @HEBabuOwino @HonMosesKuriaa pic.twitter.com/2jPDxWwZQi
— Hon Nimrod Mbai (@HonNimrodMbai) October 18, 2022

Wasiirka Gaashandhigga Dowladda Jenya Mr.Aadan Barre Ducaale ayaa todobaadkii hore ka hor qirtay Baarlamaanka inuu degaanka Kitui ay u joogaan 231 Geel ah uu iska leeyahay, inta badan Geelaasi waxaa iska leh Ganacsato Soomaalida/Kenya, kuwaasoo xoolahooda Biyo & Baad ugu raadsaday, Xildhibaanka ayaa Dowlada ku eedeeyay iney la safan tahay Xoolo dhaqatada.