Maamulka Muuse Biixi ee Hargeysa ayaa xiliyadii ugu dambeeyay qaatay Siyaasad qar iska tuur ah, isagoo ku amray Xoogaga hubeysan ee Maamulkiisa iney dib u bilaabaan Raafka, Barakicinta Muwaadiniinta Soomaaliyeed ee ka soo jeeda Konfurta Dalka Ee ku nool Degaanada Waqooyiga…
Xafiisyada Qaramada Midoobay ee Somalia ayaa si adag u dhaliilay Siyaasada Barakicinta Qaxootiga gudaha ee uu wado Maamulka Muuse Biixi, iyagoo sheegay in ku dhowaad 7000 oo Qof si qasab ah looga barakiciyay Magaalada Laas caanood 3-todobaad ka hor, waxeyna ugu baaqeen Dowladda Federaalka iyo Maamulka Somaliland iney dhowraan heshiisyadii ay horey u Wada gaareen.
Dowladda Federaalka ayaa sidoo kale lagu eedeeyay iney qeyb ka yihiin barakicinta Qaxootiga, kadib markii ay diiday heshiis ay labada dhinac gaareen sanadkii 2013-kii, kaasoo dhigaayay in Mashaariicda Horumarinta Gobolada Waqooyiga toos loo siiyo Maamulka Hargeysa. Iyagana ay oggolaadaan in Muwaadiniinta ka soo jeeda Konfurta Dalka degaan degaanada Waqooyiga kana shaqeystaan.
