Macluumaad dheeraad ah ayaa laga helayaa qorshe Qaxooti Afghanistan ka soo jeeda kuna sugan Dalka UAE si KMG ah loogu keeni lahaa Magaalada Hargeysa, ayaa dib u dhac iyo diido xoogan ay ka keeneen Wasaarada Arrimaha Dibeda ee Dowladda Federaalka in aan lagala tashan…
Xogtaan Ayaa Warsidaha Diinah.com news u xaqiijisay in Dadaaladaan lagu keeni lahaa Qaxootiga Afghanistan ee ku sugan Dalka UAE ayaa dib u dhac ku yimid, kadib markii Saraakiisha Wasaarada Arrimaha Dibeda Ee Dowladda Federaalka xiriir toos ah la sameysay Dowladaha Mareykanka iyo Imaaraadka Carabta.
Qaxootigaan oo tiradoodu u dhaxeyso 10-20 Kun kuna sugan Dalka UAE ayaa la sheegay in Saraakiisha UAE ay markii Hore ay Qorshahaan kala Tasha seen Maamulka Hargeysa, kuwaasoo si deg deg ah u oggolaaday, balse Ayaan darro Lama soo xiriirin Dowladda Federaalka Somalia, iyadoo Saraakiisha Dowladda ay ku wargeliyeen USA in aan lagala tashan talaabadaan u muuqato fara gelin Arrimaha gudaha Ee Somalia.
Qorshahaan ayaa la sheegay in USA ay hakad geliyeen kadib markii ay cabasho xoogan ka soo gaartay Dowladda Federaalka Somalia, waxeyna u sheegeen Saraakiisha UAE in Qorshahaasi uusan xiligaan suurto gal aheyn, isla markaasna dalal kale oo Afrika ah lagala tashan doono.
