Abaabulka kulamo siyaasadeed oo cadaadis lagu saarayo Madaxweynayaasha Konfur galbeed, Cabdicasiis Lafta gareen Galmudug Axmed Qorqor ayaa ka bilaawday Magaalada Mogadishu, Maalmo kadib markii Farmaajaha ay u adeegi jireen uu banneeyay Madaxtooyada…
Inta badan Siyaasiyiinta, Waxgaradka iyo Odayaasha ka soo jeeda Degaanada labada Maamul ay madaxda ka yihiin Laftagareen iyo Qor-qor, ayaa rumeysan in isbedel lagu sameeyo Hogaanada Galmudug iyo Konfur galbeed, halka Waxgaradka Hirshabelle ay qabaan in Cali Guudlaawe uusan fogaan falkinta xumaanta iyo u adeegida Farmaajo.
Sidoo kale inta badan Shacibga Soomaaliyeed ayaa rumeysan in Farmaajo iyo Fahad Maxkamad la horgeeya Dembiyadii ay galeen 5-tii sano ee u dambeysay, iyadoo sidoo kale talo loogu soo jeediyay Maamulka cusub ee Villa Somalia in kooxaha CBB-da la burburiyaa oo dhaqaale iyo sirdoon loo adeegsadaa kuwaasoo ku milmay Xafiisyada iyo Hey’adaha Dowlada, Cafis iyo hadalo qabow kuma filna xaalka jira.
Kooxahaan xiligaan kala guurka ah waa isa-suuxinayaan (Sleep cell), waxayna ku jiraan ishaa falato haday dabac arkaan iyo isla xisaabtan la’aan dib ayay isku soo abaabulayaan, Maamulka waa inuu feejignaan dheeri ah la yimadaan.
