Faahfaahin dheeraad ah ayaa laga helayaa Labbo Maleeshiyo beeleed oo shalay ku dagaallamay tuulo lagu magacaabo Barkada ina jiirow, taas oo 13-KM dhanka bari ka xigta deggaanka Laba-galle, oo hoostaga degmada Caabudwaaq ee Gobolka Galguduud (Galmudug)….
Deggaanada Galmudug, waxaa mudooyinkii ugu dambeeyey, ku badanayey dagaal beeleedyada khasaaraha badan geysanaya, Dirirta 2-Maleeshiyo, ayaa salka ku heysa, muran dhanka dhulka, taasoo ah mushkilad mudooyinkii ugu dambeeyey halkaasi ka taagneyd.
Dagaalka wuxuu sababay dhimashada 25-Qof iyo dhaawacyada 47-Qof, waxaana ka barakacay guryahoodii dadkii rayidka ahaa, wuxuuna socday ku dhawaad 10-saacadood, welina waxaa is hor fadhiya maleeshiyadii ay dirirtu u dhaxeysay.
Ilaa hadda mana jirto cid kala dhex gashay labada maleeshiyo beeleed, Colaada beelaha ee ku soo noq noqoneysa deggaanada Galmudug, ayaa muujineysa fashilka xooggan ee hareeyey maamulka Qor-qor.
